ИСТОРИЯ ШКОЛЫ

          Упершыню аб Беліцкай школе ўпамінаецца ў абласных архіўных справаздачах за 1923 год. Аднак са слоў старэйшых жыхароў вёскі Белічы было ўстаноўлена, што школа існавала з 1900 года. Першым настаўнікам быў Кунцэвіч Аляксандр з вескі Машчыцы. Да гэтага года навучанне было хатнім, і адукаваным было ўсяго 2% жыхароў. У 1900 годзе быў пабудаваны драўляны будынак пад школу, якую наведвала каля 30 чалавек. Школа мела назву “Беліцкая царкоўна-прыходская школа” і належала Прускаму прыходу. У 1934 годзе была пабудавана глінабітная школа на скрыжаванні дарог Белічы-Горкі-Квасынічы. У 1937 годзе быў пабудаваны двухпавярховы цагляны будынак, у якім знаходзіцца школа і зараз. Адчыніла свае дзверы для дзяцей шкала ў 1938 годзе. Першы выпуск адбыўся ў 1947 годзе – 13 дзяцей.